طيبة زاد حساري
شوقي طال وا ناري
ليك اجفي دياري
**************
كالسادة الاخياري
اكون من الاحباري
لي قومي ابقي خيار
بيهم اجلي غباري
نورني زيدو نضارى
*****************
ثنيت بالمختاري
احمد سيد الانصاري
ذو هيبة ووقاري
بي عينو شاف الباري
كالقمر بلا انكاري
***************
ميلادو السرور عمانا
زال الظلم وعمانا
بيهو نلنا منانا
رحمتو العامنا
من لظي نجانا
***************
نبيا لينا واسع جاهو
ماخاب من يرجاهو
عم فيضو الجاهو
بيهو يلقى مناهو
دنيتو واخراهو
***************
من ايو هاك ياريس
القمر ورد الشمس
والنمير منبجس
احي ميت الرمس
ومريضو طاب بالمس
******************
البريق من طيبة
جاب رياحا طيبة
زادني شوق لي طيبة
ناوي قوم غير ريبة
لي الخصاله طيبة
****************
الصلاة الموصلة
دايمة غير مفصولة
للحبيب مرسولة
حافظ يلقي قبولا
سلكو اليكون موصلا
******************
بقلم حافظ الشيخ
الجمعة 4/8/2017