في شيخي البشيرا

في شيخي البشيرا
خطرت لي قصايد
وصفات نبيلا
اشواقي زايدا
************
صفاتك يابشيري
مامنظور مثيلا
متواضع مؤدب
وفعالك جميلا
انا سيد حياتي
محبتي ليك كثيرا
يشهد بيها قولي
ودموعي الغزيرا
***********
حبك في قليبي
وذكراك لي دليلا
الهج بيها يومي
ما كايس بديلا
فرقك ياحبيبي
كم الم كثيرا
بهدل لي قليبي
وفؤادي العليلا
***********
حاز كل المكارم
والخلق النبيلا
تابع لي رسولي
وشرعو العديلا
نهجك نمشي بيهو
عنه ما بنميلا
نسمك فيهو دوما
جيلا بعد جيلا
*************
ذاكر لي الهي
ماهو كسول خميلا
بي نظرات عيونو
طيب لي العليلا
لي سوحك دوام
ناوي اقوم عجيلا
اوصل لي مسيدك
وفي قربك اقيلا
*************
وارث لي رشيدي
مكاشفي الخبيرا
عالي مقامو عندو
كالجيلي ابوالنميرا
يخدم غير تواني
في القوز والحفيرا
حاز كل المفاخر
والخير الكثيرا
*************
صلوات الله وسلامي
عليك يابشيرا
حافظ يابشيري
علي نهجك يسيرا
فرج لي همومو
وذنوبو الغزيرا
يورث لي مقامك
يكون للقوم مشيرا
************ً ****

بقلم :حافظ الشيخ البشير المكاشفي

الجمعة 21/22/7/2016