بكت العين لي رسولها
الغالي
في ام سور مناي وصولها
*****************
ياذا الطول وحول
زيل الغم والخمول
نفسي اللاهية وكسولة
تمشي تحج لي رسولا
***************
بثني بي طيب الاصول
اليخدم من يعولا
بيهو القاسيات تزولا
تزهو ويخضر محولا
****************
يوم وضعو يا رفاق
ربيع خمسين بإتفاق
عظيم خلقو وحسنو فاق
زال الزور والنفاق
****************
نبيا للرب داني
كغاب قوسين ليهو داني
راه بالعين والجنان
بلا كيف ولا مكان
*******************
كان في الله ديمة هايم
قايم الليل ونهارو صايم
كان في الله مابخشي لايم
يغضب ان غضب مولاي دايم
********************
طاهر الذات الشريفة
نفسو الغالية وعفيفة
قدرو العالي ومنيف
والنافرات ليهو اليفة
****************
خاتم الرسل الكرام
ضوا الكون من ظلام
فاق محيو بدر التمام
احي بالي العظام
****************
برقا لاح نورو ضوا
جرح لي فؤادي كوا
صر مرضان ما لي دوا
غير رؤية من وجهو ضوا
*****************
الصلوات خيرا زايد
للفي الرسل زايد
حافظ قال فيك قصايد
حبو الفيك ينمي زايد
****************
قلم حافظ الشيخ
السبت 27/1/2018