قسم بي فالق البدري
غرامك بيهو زاد قدري
حبيبي الفي الرسل وتر
*****************
الهي ياعالم السر
بقيت حالي لا يسر
رجوتك حل لي اسري
مرادي للحبيب اسري
***************
ثنيت بي عالي القدر
رسولنا الانور البدر
مديحا حالي كالدر
بيهو انشرح صدري
*************
ميلادو في اول الفجر
عمت الرحمة وزال للفجر
تالفو النافرات يلين له الحجر
والجذع ليهو بالبكي انفجر
*****************
رسول الله يامطري
روايحك للعطور عطر
بدعاك ينزل المطر
تفلك ابري الذي انشطر
***************
لو اراك ياحبيب عمري
ليها ابذل روحي والعمر
اكون سعيد طيلة العمر
في هواك نشوتي وخمري
*****************
مديحك مهنتي وفخري
سعادتي وزادي في الاخري
صلاتك تمحي لي وزري
هويتك سلمت ليك امري
*****************
النسيم ساعة السحر
نسم للفؤاد نحر
دموعي في الخدود تجري
لو ما رايتك ويلي وا سهري
****************
صلاة الله يوت تسري
تروح لي ضريحو تستشري
حافظ قال ليك ياذخري
حملي عليك وامحي لي وزري
********************
بقلم: حافظ الشيخ
الثلاثاء /27/2/2018