زيدني من حبك شوية
وجدد الاشواق عليا
بهوي شوفتك يانبيا
تمحي اوزاري العليا
****************
لي رسول الخير مسافر
اسابق الريح والغمات
في ديارك جيت داخل
اشواقي سابقة والتحيات
القي نفسي هايمة بيك
وانسي روحي بين يديك
اقبل اعذاري شيلو حملي
قولي ابشر ما عليك
***************
في صفاتو الحلوة حرتا
العيونو كاحلة وخدو زهري
للبدور والله فقتا
ضليع الفم وثقرو دري
مافي ليك مثال
او تداني في الكمال
او يوجد مثيل صفاتك
والله ياسيدي محال
**************
انت ياسيد قلبي وهواي
سر نجاتي من الصعاب
ياك شفاي وياك دواي
وياك شفيعي يوم الحساب
فيك ختيت حملي التقيل
بيك افوز في اليوم الطويل
من يديك يكون شرابي
في الحوض السلسلبيل
*******************
صليت من غير نهاية
للمكرم طه البشير
الال والصحب النقايا
والرحمات تعم شيخنا البشير
حافظ يروم خيرا كثير
كونو لاهي وفقير
بالقرآن نور حياتو
وبي طريق القيمان يسير
********************
بقلم حافظ الشيخ
25/8/2018