بشيرا لقلوبنا سر

بشيرا لي قلوبنا سر
المؤيد من ابوعمر
قول ياراوي مدحا فاق الدرر
***************
ياكريما حيا وبر
ندعوك بي نون والزمر
علي شانا فوق للقمر
مع نبيك نجلس نسر
***************
بثني بيك ياخير البشر
اب جمالا ضو الدجر
من اصابعك سال وانفجر
الذلال والظما انحجر
***************
بشيرا للقوم قاد
سرك سري صلح العباد
حفر الحفير عمر البلاد
خدم ابوعمر البيهو شاد
****************
حاوي الكمال من تب غلام
صافي السريرة للقوم ماهو لام
فوقو القوم تزدحم ازدحام
نالو المني وحازو المقام
***************
وارث لي مكاشفي ابوك
وجدودك للسر سقوك
ارشدت الحابك والابوك
ايدك تنقذ لي اليندهوك
****************
حاز الكمال حاز الرتب
المرضي للقوم ماعطب
بحر الكرم المانضب
يمني وشمال نفحك جلب
*****************
من المنيبة جاتو المنح
من شيخو البيهو الفلاح
في الشارقة نورك وضح
صلح الاقوام عجم وفصاح
******************
البرق لي الم شديد
في قلبي نارو بتقيد
الم البعاد من المسيد
طراني لي شيخي الفريد
*******************
صلي ياجواد وبر
للمصطفي نور البصر
بيها حافظ يلقي البشر
للوالدين تبقى جواز سفر
****************
الاثنين 16/10/2017
بقلم حافظ الشيخ