مرادي اللي الاله حبيب
ازورو جروحي تطيب
***************
استجيب لي دعاي يامجيب
اغفر ذنبي واستر العيب
نفسي هواها لا يكون صعيب
بالتقي والصلاح ديمة تطيب
*****************
ثنيت بالخليل وحبيب
ساد المرسلين يالبيب
يوما في عقولنا تغيب
غيرو منو اللي ندانا يجيب
*****************
دعاهو الاهو ليهو مجيب
دناه وخصاه بالتقريب
غاب غوسين دنيت ياحبيب
شهود الذات بلا تحجيب
*****************
ميلادو العظيم اصلو
سحب الخير همع وصلو
شفاعة الخلق خصصلو
وفي النيران حاشا لن يصلو
******************
سابق للانيباء وجودو
فايق البحور جودو
ثابت فضلو ما مجحودو
لولاه ما كان موجودو
******************
نبيا مافي من يدانيلو
في الفضل والتبجيلو
من كفو النيمير سيلو
اروي جيشو ساقيلو
*****************
قال في مدحو باريهو
في الخلق من يدانيهو
كل الحسن في وشيهو
منثور الدر في فيهو
****************
بالجود كفو مفتوح
وناير محيو مطروح
فيه الحلم مصحوح
ناقي وصدرو مشروح
*****************
جمع المرسلين امو
بي مولاه كان همو
قالو الذراع سمو
والجذع حن لي ضمو
***************
نسيم الروضة عرفو
سحر لي زاد صرفو
تيمني بالكحيل طرفو
بزيارتو ياكريم ارفو
***************
صلاة الواحد المفرد
علي الفي الرسل اوحد
بيها الامة تتوحد
وحافظ لا يفوت الحد
***************
بقلم حافظ الشيخ البشير المكاشفي
الثلاثاء 15/5/2018