ابشر يامريدو والله ماهماكا
بي ابن المبشر لاتخشي من اراكا
في الدارين معاك يبقي ليك حجاكا
اقدل بي فخر وتل يداكا
قول علي ودالمبشر قايد رجال الله
التلب اللزوم شيال الحمول ما كلا
حمال الازي مابشكي من علا
فارس من نشأ في المعارك ما ولا
من تب غلام ماسك لدرب ابواتو
حشاهو ما اتنبي وأفتخر بي سواتو
ينفق غير ريا ماراعي لي لذاتو
ماسك اثر الكرام احيي طرق الماتو
ماليك مثيل في الزهد ثم الورع
عامل بالعلم ماملت عن الشرع
زاكي ومزكي اصيل الفرع
بي لحظك دوام تشفي مريض الصرع
عاقب في الكمال فات الورا وقبالو
سارية الصلاح وارث ابوعمر مهالو
يحلق للمضيق حالا سريع يلفالو
متواضع اديب يخدم بغير نعالو
والصلاة والسلام مني بغير عدادي
ترضيك ي المكرم طه النبي الهادي
نسلم من كيد العدا والهوي وفسادي
تكون لي حافظ ضمان يلقي حسن مرادي
موضوع: ابشر يامريدو 
